လူဆိုစွာခံစားချက်နန့်

အေနိန့်.. ထထူးဆဆန်း.. ထမင်းစစောစားစွာတွိလို့ မေမေက အံ့သြနိန်ရေ.. တစ်ခုလေ့တော့မပြော..
အရာနိန့်တိဆိုကေ.. တစ်နာရီ.. နှစ်နာရီမတီးဘဲနန့် ထမင်းမစားတတ်တေလူက.. ဆယ်နာရီမတီးခင်ကပင် ထမင်းအိုးဖုံးလှန်နိန်ယာ .. လှန်ရစွာကလေ့..အကြောင်းဟိရေ.. အေနိန့်.. ရုပ်ဟြင်ရုံမှာ.. နာမည်ကြီးနိုင်ငံခြားကားသစ်တင်ထားစွာ တွိခရေ.. ဒေကားကိုမပြခင်ကပင်.. ဂျာနယ်တစ်ခုမှာဖတ်လိုက်ရလို့စိတ်ဝင်စားနိန်စွာ.. ယေဇုနန့်.. အေနိန့်ခါ ခါတိုင်းထက်ထမင်းစစောစားထားလိုက်တေ နောက်မကျရအောင်ပ............

ကားစရေဆိုစွာနန့်... ဇာတ်လမ်းက တရုံလုံးကိုဆွဲဆောင်ထားရေ.. .. ဇာတ်လမ်း၏အဟုန်အတိုင်းအားလုံးမျှောပါ... လို့..
အစပိုင်းဇာတ်လမ်းကရယ်စရာချေတိကကောင်းပါရေ.. အကျွန်လေ့နဂိုကပင် အရယ်သန်ရေအတွက်.. မျက်ရည်ယို..(ယိုစရာဟိစွာအားလုံးယို) ပါအောင်လိုက်ရယ်နိန်ရေ.. အကျွန်ဘေးက လူတိဆိုကေပိုဆိုး.. တစ်ယောက်နန့်တစ်ယောက် အရယ်ပြိုင်နိန်ကတ်လာတောင်ထင်ရရေ.. တစ်ယောက်အသံကို..တစ်ယောက်ကျော်အောင်ရယ်ကတ်စွာပုံစံမျိုး..
တဖြေးဖြေးနန့်ဇာတ်လမ်းက လေးနက်ပါလတ်တေ.. ဇာတ်ကွက်အပြောင်းအလဲတိကြမ်းပါလတ်တေ.. ဇာတ်လိုက်ခမျာအလူးလူးအလဲလဲ.. သနားဖို့ကောင်းပါလတ်တေ.. ဇာတ်လမ်းက အဆုံးပိုင်းမှာ ကကောင်းဝမ်းနည်းဖို့ကောင်းပါလတ်တေ.. သရုပ်ဆောင်တိ၏ ပိုင်နိုင်ရေသရုပ်ဆောင်ချက်တိအောက်မှာ.. အကျွန်တင်းမခံနိုင်ယာ.. ပိက်ကားထက်ကမင်းသားနန့်အပြိုင်..အကျွန်လိုက်ငိုနိန်မိရေ... ထူးဆန်းစွာက ဘေးကလူတိစွာအကျွန့်ကိုအထူးအဆန်းပိုင်လှည့်ကြည့်နိန်ကတ်တေ.. သူရို့ကိုယ်တိုင်လေ့..လက်ထဲက လက်ကိုင်ပ၀ါသျှေနန့်လူမမြင်အောင်မျက်ရည်ခိုးသုတ်နိန်ကတ်ကေလေ့.. သူရို့မဟုတ်တေအတိုင်းယာ...

ဇာတ်လမ်း ရယ်စရာကောင်းနိန်ရေအချိန်မှာ.. အကျွန်လိုက်ရယ်နိန်ခရေ.. သူရို့လေ့.. ပပျော်ဟြဟြွင်အကျွန်နန့်တတူတူလိုက်ရယ်ခကတ်တေ.. (ရယ်စရာကောင်းအောင်လုပ်ပြမှတော့ ရယ်ကတ်ဖို့ပ)....... သူရို့ရယ်မိစွာအတွက် ဟြက်ရွံ့ရေအမူအယာမျိုးတစိလေ့မပြခ...
ဇာတ်လမ်း ၀မ်းနည်းစရာကောင်းနိန်ရေအချိန်မှာ.. အကျွန်လိုက်ငိုနိန်ခရေ.. သူရို့လေ့.. ၀မ်းပမ်းတနည်းနန့် ငိုကတ်တေ.. (၀မ်းနည်းစရာကောင်းအောင်လုပ်ပြမှတော့ ငိုကတ်ဖို့ပ) .. ယကေလေ့.. သူရို့ငိုနိန်စွာကိုဘေးကလူတိတွိလတ်မေ ဆိုဗနာ.. လက်ကိုင်ပ၀ါသျှေနန့် မျက်ရည်ခိုးသုတ်နိန်ကတ်တေ.. ကိုယ့်ခံစားချက်အစစ်အမှန်ကို ထုတ်ပြဖို့အတွက် ဟြက်ရွံ့ဖို့လိုလာ..
ရယ်စရာတွိကေရယ်ဖို့.. ငိုစရာတွိကေငိုဖို့နားရာ.. ယင်းဟင့်အတွက်ဇာကြောင့်ဖုံးကွယ်ထားဖို့လိုဖို့လဲ........

ပပွင့်လလင်းပြောရကေ.. အကျွန်မျက်ရည်ကျလွယ်တတ်တေ..... အထူးသဖြင့်.. ကိုယ့်ချစ်ခင်တန်ဖိုးထားရေလူတိနန့် ပက်သတ်ကေ.. ပိုလို့မျက်ရည်လွယ်တတ်တေ.. ကြီးကြီးကျယ်ကျယ်အဖြစ်တိနန့်မှမဟုတ်... အိမ်မှာအလှမွီးစပ်ထားရေငါးသျှေသီကေလေ့.. မျက်ရည်ကျချင်..ကျတတ်တေ.. လူနန့်တိရိစ္ဆာန်တိကို အဓိက ခွဲခြားပြထားစွာက.. လူသည်.. မိမိခံစားချက်ကို ယှယှင်းလလင်းထုတ်ဖော်ပြတတ်ပနာ..တိရိစ္ဆာန်တိက သူရို့၏ ခံစားချက်ကိုယှယှင်းလလင်းထုတ်ဖော်မပြတတ်စွာအချက်ဖြစ်တေ... ခံစားချက်ရေပင် လူကိုတခြားသတ္တ၀ါတိနန့် ကွာခြားစီအောင်လုပ်ပီးသော အဓိက အချက်ဖြစ်တေ... ...

လူမှန်ကေ.. ခံစားချက်ဟိရေ.. လူလို့ဆိုမှတော့.. ယောက်ျားနန့်မမ..နှစ်မျိုးလုံးကို လူလို့ခေါ်ရေ.... ယေတွက်နန့်.. ယောက်ျားမှာပါ..မမမှာပါ.. ခံစားချက်ဟိကတ်တေ.. ခံစားချက်ဟိရေအတွက်.. ရယ်စရာတွိရေအခါလူသည် ရယ်တတ်တေ.. ယင်းပိုင်ဗျာလ်.. ငိုစရာတွိရေခါလေ့.. ငိုတတ်တေ.. ခံစားမှုသည်ပင် လူ၏ တန်ဖိုး..... ယပိုင်.. လူတိုင်းခံစားမှုဟိရေဆိုမှ..ယောက်ျားက မငိုရ.. မမမှငိုရဖို့ဆိုကေ.. ယောက်ျားသည်.. ခံစားတတ်တေ နှလုံးသားမဟိရေ.. သတ္တ၀ါဆန်းတစ်မျိုးလား..မဟုတ်.. ယေပိုင်မဟုတ်သိ.. အေချင့်စွာနည်းလမ်းမကျ... ယောက်ျားတိသည်လေ့.. သွီးသားနန့်ဖွဲစည်းထားရေခန္ဒာကိုယ်နန့် အသက်ဟြင်သန်နိန်ကတ်တေ... ယေကေ.. ယောက်ျားတိသည်..လေ့.. ရယ်စရတွိကေ..ရယ်ရေပိုင်.. ငိုစရာတွိရေခါ..ငိုတတ်စွာဗျာလ်.. အဓိပ်ပါယ်မဟိရေ.. ဇာခိုက်က အရူးအပေါက ပြောခမှန်းမသိရေ.. ယောက်ျားမှန်ကေ မျက်ရည်မကျ ဆိုကေပင်.. ငိုချင်ယင့်နန့်.. မျက်ရည်ခိုးသုတ်နိန်ရဖို့လား? ...လွန်ခရေသက္ကရစ်အဟောင်းတိက ကျကျန်ခရေ စကားလုံးအဆွီးအဟောင်းတိအတွက်နန့် အကျွန်ရို့၏ ခံစားရရေအတိုင်းပြုမူဖို့စွာကိုတွေဝေနိန်ရဖို့လား? လူဆိုစွာခံစားတတ်သော သတ္တ၀ါဖြစ်သည်... ယေကြောင့်နန့်.......................

Written by: DO_OR_DIE

အဖေယခိုင်...အမေယခိုင်...သားဗမာ

ရခိုင်ပြည်..စစ်တွေမြို့ကလင်မယားနှစ်ယောက်သည်.. အိမ်ထောင်ကျလို့ကောင်းမကြာခင် အခြီအနီအရ.. ရီနောက်ရာ..မြက်ခြောက်ရာဆိုရေပိုင်..(ဟဲဟဲ..အေစကားပုံ..မကြားဖူးကာဝေးလို့ဆိုကေလေ့.. အသစ်ပေါ်စွာ စကားပုံလို့မှတ်..) ရန်ကုန်ကို ပြောင်းလာကတ်သည် ။
ရန်ကုန်ကိုရောက်လို့... အလုပ်အကိုင်တိ..ယတိ..အနီကျဗနာ.. တဂိုင်းကြာကေ.. ရခါစလင်မယားတိ၏ ထုံးစံအတိုင်း.. ပေါက်ယာမနားယေတစ်ကောင်.. (အာ.. ဆော်ရီ..ဆော်ရီ.. တစ်ယောက်ကိုပြောစွာ... ဟီးဟီး )... ။ ယင်းသူရို့မှာ ပေါက်လာစွာက.. ယောက်ျားသျှေပါ..။ ယင်းကောင်သျှေစွာ အသျှေခါကပင်.. ကြည့်ရစွာပေါ်မပြည့်ပုံပေါက်တေအတွက်နန့်..အမိသည်..အဖသည်ရို့မှာ စိတ်ကြိုက်အလိုလိုက်ထားကတ်တေလတ် ..။
အေး...လူကပေါ်မပြည့်စွာမှာတစ်ခါ.. မိဘတိက.. အသိဥာဏ်နိတ္တိ..နလဗိန်းတုံးတိဖြစ်လို့.. ကိုယ့်အသျှေကို ရခိုင်စကားသင်မပီးကတ် ...။
ယင်းတွက်နန့်.. ယင်းလပေါသျှေစွာ.. သူ့ပတ်ဝန်းကျင်မှာလေ့.. ဗမာစကားပြောရေလူတိရာဟိရေအတွက်နန့်.. ဗမာစကားပြောသောရခိုင်လူမျိုးဖြစ်နိန်ပါသည်..။(အံ့ဖို့ကောင်းလီစွ..)
ယေပိုင်နန့်.. ယင်းအသျှေစွာ..အသက်ပြည့်လို့..ကျောင်းကြီးသျှေယသျှေတက်ပါလတ်စွာ.. တဖြည်းဖြည်းနန့်.. ငါးတန်းရောက်ပါလတ်တေ။.. ယင်းကောင်သျှေစွာ နဂိုကလေ့..ပေါ်မပြည့်ရေအတွက်.. တခြားအသျှေတိနန့်စာကေ.. ဥာဏ်ရည်တိုးတက်မှု နောက်ကျရေ..။ သူရေ..ကိုယ်ကဗမာစကားပြောရေအတွက်နန့်.. ကိုယ့်စွာကိုဗမာလူမျိုးလို့ရာထင်ရေလတ်...(သူ့ဥာဏ်နန့်လေ့..ယလောက်ရာလိုက်မီစွာကို) ။ တရက်နိန့်ခါ.. ကျောင်းခန်းထဲမှာ...မုန့်စားလွတ်ချိန်ဖြစ်တေအတွက်နန့်.. အသျှေတိတစ်ယောက်စ.. နှစ်ယောက်စလောက်ရာဟိပါရေ..။ ယင်းကောင်သျှေလေ့..မုန့်စားဆင်းချိန်အိမ်မပြန်ရေအတွက်နန့်.. ကိုယ့်နိန်ရာသျှေမှာကိုယ် အအီးဆဆေးတိုင်နိန်ပါရေ..။ သူထိုင်နိန်ရေ ခုံတန်းယှိမှာ ဗမာသျှေနှစ်ယောက်စွာ.. ရခိုင်လူမျိုးတိမုန်းဖို့ကောင်းကြောင်း.. ၊သူ့အမိသည်ကရခိုင်နန့်မြွီပွီးကိုတွိကေ.. ရခိုင်ကိုအယင်သတ်လို့ သူ့ကိုမှာထားကြောင်း... ယင်းတွက်နန့်ရခိုင်တိကိုတွိကေ.. တဗျင်းဝိုင်းသတ်ကတ်ဖို့...စသဖြင့်နန့် ရခိုင်မကောင်းကြောင်းကို အခြင်းပြောနိန်ကတ်သည် ။
ဗမာသျှေတိနောက်မှာထိုင်နိန်ရေ..လပေါသျှေလေ့..ယင်းစကားတိကိုကြားစွာနန့် ဒေါသတဗျင်းထွက်လခဗနာ.. ဗမာသျှေတိဘာ့ကိုလားပြီးသနာ.. တစ်ယောက်ကိုတစ်လုံးစီသတ်ပလိုက်ပါရေလတ်။တစ်ခုလေ့မသိဘဲ..အသတ်ခံလိုက်ရရေအတွက်နန့် ဗမာသျှေနှစ်ယောက်စွာ အံသြကြီးကျဗနာ.. ယင်းကောင်သျှေကိုမျက်လုံးတိပြူးလို့ကြည့်နီကတ်တေ..။ တစ်ယောက်ကလုံးဝနားမလည်နိုင်ရေ ပုံစံနန့် " ဟေ့ယောင်.. မိန်းယခိုင်လည်းမဟုတ်ပဲနန့် ဘာဖစ်လို့ ငါဒို့ကိုထိုးဒါလဲကွ " ဆိုဗနာ မိန်းပါရေ။ ယေခါ.. ဒေါသမပြေသိမ့်ရေကောင်သျှေက.. မျက်လုံးတိပြူးလို့ကြည့်ဗနာ.. " အေး.. အဖေယခိုင်..အမေယခိုင်..သားဗမာကွ " ဆိုပါဝါ...။ ဟဲဟဲ.. ဂိုးသျှေရို့..မေးသျှေရို့မှာပါဝါ... ယပိုင်ဗမာသျှေတိ မွီးထားကတ်ပါလာချင့်အရာ...ဟီးဟီး..။

Written by: DO_OR_DIE

အားမနာလို့ကျားကျွာလားဝေး

ရခိုင်တိုင်းရင်းသားထဲမှာပါဝင်ရေ.. မြို(သို့မဟုတ်) ခမီးလူမျိုးတိ၏ ရိုးသားမှုကို အားလုံးသူကြားဖူးပြီးသားထင်ပါရေ...။
ယပြီးကေ..သူရို့စွာရခိုင်စကားကိုလေ့..ကြိုးစားလို့ပြောကတ်စွာ..မပီကလာ..ပီကလာသျှေနန့်.. နားထဲမှာ..နားထောင်ရစွာ..ကောင်းချစ်ဖို့ကောင်းပါရေ.. ။ ယကေလေ့.. သူရို့စွာ..စကားအသုံးအနုန်းမှန်အောင်မသုံးတတ်တေအတွက်နန့်... တခါတရီ.. သူရို့ပြောလိုက်စွာစကားတိစွာ.. အဓိပ်ပါယ်နောက်တစ်မျိုးသက်ရောက်နိန်တတ်ပါရေ..။
ယင်းပိုင်.. ခမီးလူမျိုးတိစကားပြောအလွဲအတွက်နန့်.. အကျွန်တစ်ခါ..ထမင်းငတ်ဖူးပါရေ.. ။

ဂိုးသျှေက...ယင်းသူရို့စကားပြောမတတ်စွာနန့်..မင်းထမင်းငတ်စွာနန့်ဇာဆိုင်လေဝေး..လို့မိန်းချင်ဖို့..။ ဟုတ်ပါရေ.. ဇာပိုင်ဆိုင်လေဆိုစွာ...အောက်မှာရာဖတ်ကြည့်ပါဖိ..။

အကျွန်နန့် အကျွန့်သူငယ်ချင်းကျော်မိုးအောင်ရေ.. အသျှေခါကပင်..ခရီးလားရစွာကောင်းဝါသနာပါကတ်ပါရေ.. ။ ယင်းတွက်နန့်.. လူပျိုပေါက်ဖြစ်စွာနန့်.. နှစ်ကောင်..ရခိုင်ပြည်ကိုဖြိုလို့လားစွာ နယ်ကသူငယ်ချင်းတိဆိုကေ.. မရောက်ဖူးရေအိမ်မဟိလိုက်ပျာလ်..။ ယေပိုင်လားကတ်စွာ.. တစ်နှစ်ခါ.. တက္ကသိုလ်ပိတ်ထားလို့..အားနိန်ရေအတွက်နန့် နွီခါ.. အကျွန်ရို့နှစ်ယောက်ရေ.. တစ်ခန်းတည်းသူငယ်ချင်းတစ်ယောက်ဟိရေ.. ရွာကိုလည်ဖို့လားကတ်ပါရေ...။ ယင်းရွာရေ.. ရခိုင်ပြည်အစွန်အဖျားဒေသဘက်ကိုကျရေအတွက်နန့်.. အကျွန်ရို့နှစ်ယောက်ရေ.. ကားတစ်တန်..နွားဂါရီတစ်တန်..နန့်.. နောက်ဆုံးတစ်ခုလမ်းလေ့ မပေါက်ယာဖြစ်လို့.. လမ်းလျှောက်ဗျာလ်လားရပါရေ.. ။ ဟိုရွာကိုရောက်ကေ ၀င်မိန်း..
ဒေရွာကိုရောက်ကေ၀င်မိန်းနန့်.. နောက်ဆုံးခါ..နီဝင်ဖို့ပျင်နိန်ယာဖြစ်လို့.. အကျွန့်သူငယ်ချင်းကနီးစပ်တေ..ရွာတစ်ရွာမှာ.. အကျိုးအကြောင်းပြောပြဗနာ.. ဒေနိန့်တစ်ညဉ့်အိပ်ပြီးခါမှ နက်ဖန်မိုးထဆက်လို့လားကတ်ဖို့လို့အကြံပီးပါရေ.. ။ အကျွန်လေ့.. ခြီထောက်တဗျင်းညောင်းနိန်ယာ.. ဆက်လျှောက်ချင်စိတ်တစ်ခုပိုင်လေ့မဟိဗျာလ်..။ ယင်းတွက်နန့်.. ရွာစပ်မှာဟိရေ.. တဲတစ်လုံးထဲကိုဝင်ဗနာ.. အကျိုးအကြောင်းပြောပြရေ။ ယပြီးခါမှ.. အဂုအကျွန်ရို့ရောက်နိန်ရေ ရွာစွာခမီးရွာမှန်းသိရရေ.. ။ အသက်လေးဆယ်လောက်ဟိရေ ..ခမီးလူကြီးတစ်ယောက်တည်းယာခင်းလုပ်လို့နိန်စွာ ။ လူကြီးကစိတ်လေ့ကောင်းရေ... အကျွန်ရို့ကို အီးအီးဆေးဆေးနားခိုင်းဗနာ.. နက်ဖန်ခါမှ.. အကျွန်ရို့လားချင်ရေရွာကို သူကိုယ်တိုင်လိုက်ပို့ပီးဖို့ဆိုစွာကို.. ရခိုင်စကားမတတ်ကတတ်နန့်ပြောပါရေ ။ အကျွန်ရို့နှစ်ယောက်လေ့.. "ချီးစိုက်မွတ်တုံး..ချဘောင်သာတွိရေပိုင်.." (စကားပုံမှားလခယာဟမ်.. မတတ်နိုင်.. အတွက်ပေါ်စွာကို ယူသုံးလိုက်ယင့်ယေ..ဟဲဟဲ) ကကောင်းပျော်လခပြီးကေ.. အားမနာပါးမနာ.. လူများအိမ်ထက်.. တက်ထိုင်နိန်ကတ်ယာမနားယေ ။
ခမီးကြီးလေ့အာဂန္ဒုတိကိုကျွေးဖို့ဆိုဗနာ.. ချွဲတလုံးလုံးနန့်ချက်ပြုတ်နိန်စွာမြင်လို့..အကျွန်ရို့နှစ်ကောင်.. လျှာရည်ယိုနိန်ကတ်ယာ ။ တနားလောက်နိန်ကေ.. ထမင်းတိယတိခူးခပ်ပနာ..အကျွန်ရို့ကိုခေါ်လို့ကျွေးစွာနန့်.. ထမင်းလောင်ဗန်းထွက်ပြီးလားဖို့ပိုင်.. တတင်းဆုတ်လို့.. အားရဘားရလွဲပလိုက်မယ်ဆိုဗနာ.. ထိုင်ကတ်ယာမနားယေ ။ ငါးကလေ့..ကြက်သားနန့်.. ဇာပြောဖို့လိုဖို့လဲ.. တစ်ယောက်တစ်ဖဲ့စီထည့်ပနာ.. အားရပါးရဆွဲလို့ကိုင်ဖို့ပျင်နိန်ကတ်တေ ။ ယင်းအချိန်မှာ..ခမီးစွာဓါးမတစ်ချောင်းကိုင်ဗနာ.. (ခြံယှင်းဖို့လားဖို့ဟိဖို့) အောက်ကိုဆင်းဖို့ပျင်နိန်ရေ..။ ယကေလေ့.. သူကမဆင်းသိမ့်ဘဲနန့်.. အိမ်သျှင်ပီပီ.. အကျွန်ရို့နှစ်ယောက်ကို..စကားတစ်ခွန်းနှစ်ခွန်းလောက်ပြောဖို့လိုအပ်တေလို့ ယူဆလို့လားမသိ.. ပြန်လှည့်လာဗနာ အကျွန်ရို့ကိုကြည့်ဗနာပြောရေ...

" အားမနာလို့ ကျားကျွာလာဝေး " လတ်..(လက်ထဲမှာလေ့.. ဓါးမတစ်ချောင်းသန်ကသန်ရေနန့်...)

အကျွန်လေ့ယင်းစကားကိုကြားစွာနန့်.. အားရပါးရကိုက်ဖို့ပျင်နိန်ရေကြက်သားဖဲ့ကိုဆက်မကိုက်ဝံ့ဘဲ ကြောင်လို့ကြည့်နိန်ရေ..။ ယေမှာ.. ခမီးကအကျွန်ရို့သူ့စကားကို နားမလည်ထင်လို့ဟိဖို့ အရာထပ်လို့ပြောရေ..
လက်ကဓါးကိုလေ့..မြောက်လို့..
" အားမနာလို့..ကျားကျွာလားဝေး " လတ်.. အသံကလေ့..သြသြကြီး.. လက်ကဓါးကိုလေ့မြောက်လို့... အကျွန်ရို့လေ့..ဆက်စားရဖို့လိုလို..ရပ်ဘဲရပ်နိန်ရဖို့လိုလို.. တိုးလိုးတန်းလန်းနန့်.. သူ့ကိုရာငေးကြည့်နိန်ကတ်တေ..။

ယေမှာ .. ခမီးလေ့.. ဒေတစ်ခေါက်ခါ.. ရှိကိုလေ့တိုး.. လက်ကဓါးကိုလေ့မြောက်ယင်းနန့်.. အသံကလေ့.. အယင်တစ်ခေါက်ကထက်ကျယ်ဗနာ.. "အားမနာလို့ကျားကျွာလာဝေး " ဆိုစွာနန့်.. အကျွန်ရို့နှစ်ကောင်လပြာစိုင်ဗျာလ်.. ဓါးနန့်အခွတ်ခံရလတ်မေကြောက်လို့.. သရုန်းဘရုန်း..ဆင်းပြီးကတ်တေ.. အကျွန့်သူငယ်ချင်းက..အကျွန့်ထက်သတ္တိဟိပုံပေါ်ရေ.. အိမ်ထက်ကခုန်ဆင်းခါကျွတ်ကျန်ခရေ..ဒယောကိုတောင် ပြန်မကောက်ဘဲ.. အကျွန့်နောက်က.. ထက်ကြပ်မကွာလိုက်ပါလတ်တေ.. ။

နောက်ကိုတောင်လှည့်မကြည့်ဘဲနှစ်ကောင်ဇကုန်ပျံကတ်စွာ.. ဇာကိုရောက်လို့ရောက်မှန်းမသိ... တောစပ်ကိုရောက်ပနာ ..လမ်းမွိန့်ထွက်လခလို့.. ထွက်ဖို့အပေါက်ဟြာလို့မရလိုက်ကတ်ဗျာလ် ..။ ၀မ်းဆာဆာနန့် နှစ်ကောင် အပင်တစ်ပင်ထက်ကိုတက်ပနာ တစ်ညဥ့်လုံးခြင်ကိုက်ခံလို့အိပ်နိန်ရရေ..။

မိုးလင်းနီထွက်ခါမှ.. လမ်းစဟြာဗနာ..တောစပ်ကိုထွက်ကျမှ.. မိန်းစမ်းပနာ.. အကျွန်ရို့သူငယ်ချင်းရွာကိုဟြာလို့ရလခရေ ။
အကျွန်ရို့လေ့..ခရီးရောက်မဆိုက်.. ခမီးတိ..ကကောင်းနားလည်းရခက်တေအကြောင်း.. ထမင်းချက်ခါချက်ကျွေးပြီးကေ.. စားဖို့ပျင်မှာ.. ဓါးနန့်ငြိုးကြောင်းပြောပြမှာ.. အကျွန့်သူငယ်ချင်းက.. တအံ့တသြနန့် ပြန်မိန်းပါရေ..။
အကျွန်ရို့ပြောစွာကိုနားထောင်ပြီးမှာ.. ထိုကောင်တဗျင်းထိုင်ဟားစွာ.. ငါးမိနစ်လောက်ထိုင်စောင့်နိန်ရရေ.. သူရယ်စွာပြီးဖို့ ။ ယပြီးခါမှ.. အကျွန်က.. ဇာဖို့လို့ရယ်စွာလေဝေး.. လို့မိန်းရေမှာ.. ယင်းကောင်ပြန်ပြောရေစကားကိုကြားရခါ.. အကျွန်ရို့နှစ်ယောက်.. ကကောင်းနှမျောတသဖြစ်လခကတ်တေ.. ။သူပြောစွာက..
" ဟားဟား.. မင်းရို့တိက.. ချကြောက်ပူကျနိန်ခီစွာကို.. သူကမင်းရို့ကိုငြိုးစွာမဟုတ်.. မင်းရို့ကို..
အားမနာကေ့.. စားကတ်ဝေး... လို့ပြောစွာမှာ.. စကားပြောမတတ်လို့အသုံးအနုန်းတိလွဲလခဗနာ.. အားမနာလို့ကျားကျွာလာကိုး ဖြစ်လခရစွာရာဝေ" လတ်.. ။ အဟိန့်.. အကျွန်ရို့နှစ်ယောက်ကိုယ်ဝမ်းသျှေကိုယ်ပွတ်လို့.. ငိုမဲ့မဲ့နန့်..

ကိုင်း...အကျွန်မပြောလား..ခမီးတိ.. စကားပြောမတတ်စွာ.. တစ်ယောက်ကိုလေ့.. ဒုက္ခမပီးကေလေ့.. အကျွန်ထမင်းတစ်ထပ်ငတ်ဖူးပါရေဆို.. တောက်.. ကြက်သားဆီပြန်ဝေ.. ဟူး...

Written by: DO_OR_DIE

ကိုကျော်ကြီးအကြောင်း

အရွယ်ရောက်လာလို့..လောကလမ်းထဲမှာ လူတော်တိတွိလာရကေ..ငါရို့ရွာက ကိုကျော်ကြီးကိုစီအတွက်ပေါ်ရေ... ဟုတ်တေ.. တော်ရေ.. ဆိုစွာမှာ ကိုကျော်ကြီးကိုတစ်ယောက်လေ့မီဖို့မထင်...
ပညာရီးကိုကြည့်လိုက်ဖို့ဆိုကေ..လေးတန်းတောင်မှအောင်ရေ.. အေးလေ..တော်စွာမတော်စွာကို အတန်းပညာတစ်ခုတည်းနန့်..ကြည့်လို့ရစွာက မဟုတ်..ဟုတ်ပါမလား..အေး..တစ်ခါက အရွက်များကေ ဖေ့သာများရေဆိုပြီးကေ ငါးရာတန်တစ်ရွက်နန့်.. တစ်ရာတန်နှစ်ရွက်နန့်ဖက်ဖူးစွာက လွဲပြီးကေလေ။
ကိုကျော်ကြီးစွာ ဥာဏ်ပညာမှာလေ့ ရွာကလူတိထက်ကောင်းသာရေ.. သူ့ဥာဏ်ပညာအတိမ်အနက်ကို တခြားစွာလားကြည့်စရာမလို..။သူအလုပ် ရွီးစွာကိုရာကြည့် ။ သူတစ်သက်လုံးကောင်းစားဖို့ အလုပ်တစ်ခု...လုပ်ဖို့ဆိုပြီးကေ.. ၇ ညဥ့် နန့် ၇ ရက်တိတိ ညဥ့်တောင် ဖြဖြောင့်မအိပ်လားမသိ စိုင်းစားစွာ... ။ ယင်းရက်တိမှာ သူနန့်တွိရေလူတိအအီးနိန်ဖို့မရ.. တွိရေလူဟူသမျှကို သူရွီးချယ်ဖို့အလုပ်စွာ ဇာပိုင်အလားအလာကောင်းရဖို့.. ဇာပိုင် ၀င်ငွီကောင်းရဖို့.. နန့် ပစအမြုပ်ထွက်အောင်စီ ပြောအားကြီးလို့.. ကိုကျော်ကြီးလာရေဝေးဆိုကေ.. ဒယောမရ ထပိန်မရ ပြီးကတ်စွာ... ဟုတ်တေလေ.. ကိုယ့်ထမင်းကိုစားပနာ အသူနားမဒိန်းကျင့် ခံချင်ဖို့လဲ...။ ယင်းပိုင် ၇ ညဥ့်နန့် ၇ ရက်တိတိ ပြပြင်းထထန်စိုင်းစားပြီးမှ.. အရင်းအနှီးအနည်းဆုံးနန့်.. ၀င်ငွီလေ့မှန် .. Popularလေ့အဖြစ်ဆုံး အလုပ်တစ်ခုကို ရွီးလိုက်တေ...။ ဆိုက်ကားနင်းစားဖို့လတ်...မှတ်လီ ။ ဟုတ်တေလေ.. ရက်တွက်ခသျှေပိုင်ယှင်ကိုပီး ကျန်စွာအားလုံးကိုယ့်ဖေ့သာ.. အေချင့်ထက်ကောင်းစွာဟိဖို့သိမ့်လား..။ Popular ဖြစ်စွာမှာလေ့ပြောမနိန်ကေ့....မယုံကေလားကြည့်ခီ..စစ်တွေမြို့မှာ ဆိုက်ကားသမားတိ လိုက်သတ်လို့မကုန်...ပေါအားကြီးလို့..။ လူကြိုက်များလို့ရာ... ဆိုက်ကားနင်းရေလူများနိန်စွာမဟုတ်လား..။ သူတော်စွာအကြောင်းထားလိုက်ပါ.. အကျွန်ပြောချင်စွာ ယင်းချင့်မဟုတ်သိမ့်။
ယိုင်းကျေးရေဆိုစွာမှာလေ့ သူ့ကိုတစ်ယောက်လေ့မီဖို့.. မထင်...။ ဇာလောက်ထိ ယိုင်ကျေးရေလဲ ဆိုကေ... တရက်နိန့်အရက်ဆိုင်ကအပြန် ခြံအ၀င်ဝမှာ နှပျိုးခွံနင်းလို့ လျှော်လဲလခလို့.. ယင်းနိန်ရာကမထဘဲ ကော်ဆဲစွာ မိုးလင်းလခရေ....မှတ်လီ။ ထားပါ..ယကေလေ့အကျွန်ပြောချင်စွာ ယင်းစွာမဟုတ်သိမ့် ။ ဘာသာတရာနန့်ပက်သတ်ကေလေ့ ကိုကျော်ကြီးကို အပြစ်တင်စရာဟြာလို့မရ... ရွာက၀ါဂျီးတိတောင်သူ့ကိုမီဖို့မဟုတ်.. ရွာမှာတရားပွဲချတိုင်း သူမလားရေနိန့်မဟိ ။ အကျွန်ရို့ရွာမှာ ယင်းခါဓမာရုံမဟိသိမ့်ရေအတွက်နန့်.. တရားပွဲချကေ ဓမာရုံရန်ပုံငွေအတွက် ရွာသားတိဘာ့က ကိုယ်တတ်နိုင်သလောက်စီ လှူလို့ရအောင် ငွေဖလားတိနန့် မဏ္ဍပ်အ၀င်ဝမှာစီ အလှူခံအဖွဲ့ထားပါရေ..။ အူး..ပြောစရာလိုဖို့လား..ကိုကျော်ကြီးရို့က လှူဖို့စွာမှာ ရက်မပျက်။ ယကေလေ့ တရားပွဲနောက်ဆုံးနိန့်မှာ ကိုကျော်ကြီးဇာပိုင်အလှူဒါနပြုလခကြောင်းကို ခလ၀က ကျေညာသံကို တစ်ရွာလုံးကြားလိုက်ကတ်ယင့်..။
" ကိုကျော်ကြီးရို့ မိသားစုမှာလေ့ နိဗာန်အကျိုးမျှော်ကိုးပြီးကေ တစ်ရာတန် တစ်ရွက်ထည့်ဗနာ တစ်ထောင်တန်တစ်ရွက်ကောက်ယူလခပါရေ " လတ်.. သာဓု သာဓု...။ အရာ...အသူအေလောက် ဘာသာတရားကိုင်းရှိုင်းဖို့လဲ ။ ထားပါယကေလေ့.. အကျွန်ပြောချင်စွာ အေချင့်မဟုတ်သိမ့်.. အလုပ်ကြိုးစားရေနိန်ရာမှာလေ့ ကိုကျော်ကြီးကို မှီဖို့လူကောင်းရှရှား.. ၊ ကိုကျော်ကြီးဆိုက်ကားနင်းစွာ တရက်လေ့ပျက်တေမမြင်.. မိုးလင်းကေဆိုက်ကားသျှေဆွဲလို့ထွက်လခစွာဗျာလ်...။ တရက်နိန့် ကမ်းနားလမ်းက ဆိုက်ကား ဂိတ်မှာ ကိုကျော်ကြီးဆိုက်ကားသျှေဂိတ်ထိုးဗနာ လီခံနိန်ရေ..။ သူဆိုက်ကားထွက်ရဖို့အလှည့်မှာ ၀ါဂျီးမတစ်ယောက် ဆိုက်ကားငှာဖို့လာရေ... ။ ကိုကျော်ကြီးဆိုက်ကားကိုကြည့်လိုက်ကေ.. ဆိုက်ကားက ယင်းအတိုင်းလူဇာရောက်လခရေမသိ..။ သူ့သူငယ်ချင်းတိကလေ့..အဂုတနားကသိမ့် ထိုင်လို့မြင်လိုက်တေ ဇာရောက်လခလေ..ဆိုဗနာ ဘဲဘီလိုက်ဟြာလူ.. လိုက်ဟြာ .. ဆိုက်ကားအောက်ငုံ့ကြည့်လူ..ငုံ့ကြည့်နန့် ရရောင်းသတ်လခရေ.. ဟုတ်တေလေ.. အဂုတနားက သိမ့် ဆိုက်ကားထက်မှာ သွားဖြဲလို့ထိုင်နီစွာ တွိလိုက်ယင်းသားနန့် ဇာရောက်လီရဖို့လဲ ။ နောက်ဆုံးတစ်ခုပိုင်လေ့ဟြာလို့မရကေ... လွားကျိတ်လို့ ရီထဲကို ဆင်းငုပ်တေလူက ငုတ်နန့်... ပပွက်ဆူလခဂတ်တေ..။ပြောလို့ရစွာမဟုတ် ပူရေဆိုပနာ.. ရီထဲဆင်းစိမ်ချင်စိမ်နီဖို့ ဒေကောင်က..။ ၀ါဂျီးမ စောင့်ရစွာ စိတ်ပျက်ပါလတ်လို့.. -၀ါဂျီးမကို ကိုကျော်ကြီးနောက်က တန်းစီထားရေလူနန့် ထည့်ပီးလိုက်ကတ်တေ..။ ယင်းဆိုက်ကားထွက်လခမှရာ.. အဂုတနားက ကိုယ်ပျောက်ပိုင်ပျောက်နီရေ ကိုကျော်ကြီး.. အနားက သ၀င်ပင်ထက်က သွားသျှေကြဲလို့ဆင်းပါလတ်တေ.. ၀ါဂျီးမကိုနင်းလို့ပို့ရဖို့စွာကြောက်လို့ သ၀င်ပင်ထက်ကို တက်ပုန်းနိန်ရေဆိုဝါ... ယလောက်ထိ ကြိုးစားရေ...။

Written by: DO_OR_DIE