The thoughts of Arakanese youths today are the future of Arakan for tomorrow!!!

Sunday, August 23, 2009

စာပီနိုးထခွင့်ပီးပါ





ထီးကျိုးနန်းပျက် အမှောင်ဖုံးလို့
ပြည်ရွာပျက်ပြို...မီးတောက်ဖုံးလို့..
ပြာကျ၏သို့... စာပီမီးခွက်..
တောက်လင်းမှုကင်း... မှိန်ပျောက်ပြယ်လို့..
မြီသို့ခ၀ပ်ခရ၏ ....။

လူမျိုးအရိပ်... စာပီဆောင်ဟု..
ပညာဟိရို့... ဖွဲ့ဆိုသည့်တိုင်း..
ဟိုးအယင်ချိန်... စာပီအလင်း..
ပြည်ရွာဖုံးသို့.. တောက်လင်းချိန်က..
လူမျိုးဂုဏ်ရောင်တောက်ခ၏...။

စာပီညိုးနွမ်း... ပြည်လေ့ကျွမ်းလို့..
လူမျိုးခြားအောက်.. ရုပ်ပျက်ဆင်းပျက်..
ပြည်ရုပ်မပီ... လူရုပ်မပေါက်..
ကိုယ့်စာပီလေ့.. ကိုယ်မသိဘဲ..
မျက်ကန်းဘ၀ရောက်ရ၏...။

စာပီပျောက်က...လူမျိုးပျောက်လိမ့်..
စွဲမှတ်ယုံကြည်.. မှတ်ယူကတ်လို့..
ငါရို့သွီးထဲ... စာပီ့ဝိဥာဏ်..
တခါနိုးထ... အသက်ဝင်ဖို့..
ကလောင်ဆွဲကိုင်ကတ်ရမည်။

Written by: DO_OR_DIE

Tuesday, August 18, 2009

လက်သီးဆုပ်နိန်ကတ်တုံးလား???

ရင်ဘတ်ကွဲမတတ်
ငိုကြွီးနိန်တုံး
ရက်တိတအိအိ ဖြတ်လားဗျာလ်..
လွမ်းဆွတ်မှုဒီဂရီ
တိုးနိန်ကတ်တုံး
လတိတဒိဒိကျော်လားဗျာလ်..
မျက်ရည်တိ၏
ကောက်ကြောင်းကိုလိုက်ငေးနိန်တုံး
နှစ်တိတရွိရွိ ကုန်လားဗျာလ်…

ဇာပင်ဆိုဆို
ငါရို့ရင်ထဲမှာ
အနာတစ်ခုက ဂုထိသွီးတစက်စက်
မုန်းတီးမှုတိ
ဆထပ်တိုးယင်း
အသက်ချူလိုက်တိုင်း တဆစ်ဆစ်နာကြင်တုံး
မကြားဝံ့ရေ
အော်ငိုသံတိ
အိမ်မက်ဆိုးပိုင် လာဗနာခြောက်လှန့်တုံး...

ဖိစီးမှုတိအောက်က
အပြင်းထန်ဆုံး
ရုံးထွက်အားတစ်ခုငါရို့မွီးဖွားယင်း
ရက္ခိုင်တိသွီးနန့်
တည်ဆောက်ခရေ
ကဘာ့မြီပုံထက်.. ခြီတဖက်စာသျှေတွက်
ဒေါသတကြီး
ဆုပ်ထားရေလက်သီးတိလေ့
သနတ်ကိုင်ဖို့ဖြီကတ်ရဖို့ဗျာလ်…။

Written by: DO_OR_DIE

အားနာလို့ရာ

အင်းကျီရင်ဖော်...ချက်ခါးပေါ်နှင့်...
မီနီစကက်...ပေါင်လယ်ရောက်ကို...
ဒေါက်မြင့်ဖိနပ်...နောက်ဆုံးပေါ်နှင့်...
ခိုက်သမီးပျို...လမ်းလျှောက်တေခါ...
လူပျိုပေါက်နန့်...ဂြဂြွပ်အိုတိ...
မကြည့်ကေများ...ရိုင်းရာကျထင်...
အားနာပါနာ...လိုက်ကြည့်ကြသည်...
ပဇွန်တုတ်၏...မျက်လုံးနှင့်...။


Written by: DO_OR_DIE

လူဆိုစွာခံစားချက်နန့်



အေနိန့်.. ထထူးဆဆန်း.. ထမင်းစစောစားစွာတွိလို့ မေမေက အံ့သြနိန်ရေ.. တစ်ခုလေ့တော့မပြော..
အရာနိန့်တိဆိုကေ.. တစ်နာရီ.. နှစ်နာရီမတီးဘဲနန့် ထမင်းမစားတတ်တေလူက.. ဆယ်နာရီမတီးခင်ကပင် ထမင်းအိုးဖုံးလှန်နိန်ယာ .. လှန်ရစွာကလေ့..အကြောင်းဟိရေ.. အေနိန့်.. ရုပ်ဟြင်ရုံမှာ.. နာမည်ကြီးနိုင်ငံခြားကားသစ်တင်ထားစွာ တွိခရေ.. ဒေကားကိုမပြခင်ကပင်.. ဂျာနယ်တစ်ခုမှာဖတ်လိုက်ရလို့စိတ်ဝင်စားနိန်စွာ.. ယေဇုနန့်.. အေနိန့်ခါ ခါတိုင်းထက်ထမင်းစစောစားထားလိုက်တေ နောက်မကျရအောင်ပ............

ကားစရေဆိုစွာနန့်... ဇာတ်လမ်းက တရုံလုံးကိုဆွဲဆောင်ထားရေ.. .. ဇာတ်လမ်း၏အဟုန်အတိုင်းအားလုံးမျှောပါ... လို့..
အစပိုင်းဇာတ်လမ်းကရယ်စရာချေတိကကောင်းပါရေ.. အကျွန်လေ့နဂိုကပင် အရယ်သန်ရေအတွက်.. မျက်ရည်ယို..(ယိုစရာဟိစွာအားလုံးယို) ပါအောင်လိုက်ရယ်နိန်ရေ.. အကျွန်ဘေးက လူတိဆိုကေပိုဆိုး.. တစ်ယောက်နန့်တစ်ယောက် အရယ်ပြိုင်နိန်ကတ်လာတောင်ထင်ရရေ.. တစ်ယောက်အသံကို..တစ်ယောက်ကျော်အောင်ရယ်ကတ်စွာပုံစံမျိုး..
တဖြေးဖြေးနန့်ဇာတ်လမ်းက လေးနက်ပါလတ်တေ.. ဇာတ်ကွက်အပြောင်းအလဲတိကြမ်းပါလတ်တေ.. ဇာတ်လိုက်ခမျာအလူးလူးအလဲလဲ.. သနားဖို့ကောင်းပါလတ်တေ.. ဇာတ်လမ်းက အဆုံးပိုင်းမှာ ကကောင်းဝမ်းနည်းဖို့ကောင်းပါလတ်တေ.. သရုပ်ဆောင်တိ၏ ပိုင်နိုင်ရေသရုပ်ဆောင်ချက်တိအောက်မှာ.. အကျွန်တင်းမခံနိုင်ယာ.. ပိက်ကားထက်ကမင်းသားနန့်အပြိုင်..အကျွန်လိုက်ငိုနိန်မိရေ... ထူးဆန်းစွာက ဘေးကလူတိစွာအကျွန့်ကိုအထူးအဆန်းပိုင်လှည့်ကြည့်နိန်ကတ်တေ.. သူရို့ကိုယ်တိုင်လေ့..လက်ထဲက လက်ကိုင်ပ၀ါသျှေနန့်လူမမြင်အောင်မျက်ရည်ခိုးသုတ်နိန်ကတ်ကေလေ့.. သူရို့မဟုတ်တေအတိုင်းယာ...

ဇာတ်လမ်း ရယ်စရာကောင်းနိန်ရေအချိန်မှာ.. အကျွန်လိုက်ရယ်နိန်ခရေ.. သူရို့လေ့.. ပပျော်ဟြဟြွင်အကျွန်နန့်တတူတူလိုက်ရယ်ခကတ်တေ.. (ရယ်စရာကောင်းအောင်လုပ်ပြမှတော့ ရယ်ကတ်ဖို့ပ)....... သူရို့ရယ်မိစွာအတွက် ဟြက်ရွံ့ရေအမူအယာမျိုးတစိလေ့မပြခ...
ဇာတ်လမ်း ၀မ်းနည်းစရာကောင်းနိန်ရေအချိန်မှာ.. အကျွန်လိုက်ငိုနိန်ခရေ.. သူရို့လေ့.. ၀မ်းပမ်းတနည်းနန့် ငိုကတ်တေ.. (၀မ်းနည်းစရာကောင်းအောင်လုပ်ပြမှတော့ ငိုကတ်ဖို့ပ) .. ယကေလေ့.. သူရို့ငိုနိန်စွာကိုဘေးကလူတိတွိလတ်မေ ဆိုဗနာ.. လက်ကိုင်ပ၀ါသျှေနန့် မျက်ရည်ခိုးသုတ်နိန်ကတ်တေ.. ကိုယ့်ခံစားချက်အစစ်အမှန်ကို ထုတ်ပြဖို့အတွက် ဟြက်ရွံ့ဖို့လိုလာ..
ရယ်စရာတွိကေရယ်ဖို့.. ငိုစရာတွိကေငိုဖို့နားရာ.. ယင်းဟင့်အတွက်ဇာကြောင့်ဖုံးကွယ်ထားဖို့လိုဖို့လဲ........

ပပွင့်လလင်းပြောရကေ.. အကျွန်မျက်ရည်ကျလွယ်တတ်တေ..... အထူးသဖြင့်.. ကိုယ့်ချစ်ခင်တန်ဖိုးထားရေလူတိနန့် ပက်သတ်ကေ.. ပိုလို့မျက်ရည်လွယ်တတ်တေ.. ကြီးကြီးကျယ်ကျယ်အဖြစ်တိနန့်မှမဟုတ်... အိမ်မှာအလှမွီးစပ်ထားရေငါးသျှေသီကေလေ့.. မျက်ရည်ကျချင်..ကျတတ်တေ.. လူနန့်တိရိစ္ဆာန်တိကို အဓိက ခွဲခြားပြထားစွာက.. လူသည်.. မိမိခံစားချက်ကို ယှယှင်းလလင်းထုတ်ဖော်ပြတတ်ပနာ..တိရိစ္ဆာန်တိက သူရို့၏ ခံစားချက်ကိုယှယှင်းလလင်းထုတ်ဖော်မပြတတ်စွာအချက်ဖြစ်တေ... ခံစားချက်ရေပင် လူကိုတခြားသတ္တ၀ါတိနန့် ကွာခြားစီအောင်လုပ်ပီးသော အဓိက အချက်ဖြစ်တေ... ...

လူမှန်ကေ.. ခံစားချက်ဟိရေ.. လူလို့ဆိုမှတော့.. ယောက်ျားနန့်မမ..နှစ်မျိုးလုံးကို လူလို့ခေါ်ရေ.... ယေတွက်နန့်.. ယောက်ျားမှာပါ..မမမှာပါ.. ခံစားချက်ဟိကတ်တေ.. ခံစားချက်ဟိရေအတွက်.. ရယ်စရာတွိရေအခါလူသည် ရယ်တတ်တေ.. ယင်းပိုင်ဗျာလ်.. ငိုစရာတွိရေခါလေ့.. ငိုတတ်တေ.. ခံစားမှုသည်ပင် လူ၏ တန်ဖိုး..... ယပိုင်.. လူတိုင်းခံစားမှုဟိရေဆိုမှ..ယောက်ျားက မငိုရ.. မမမှငိုရဖို့ဆိုကေ.. ယောက်ျားသည်.. ခံစားတတ်တေ နှလုံးသားမဟိရေ.. သတ္တ၀ါဆန်းတစ်မျိုးလား..မဟုတ်.. ယေပိုင်မဟုတ်သိ.. အေချင့်စွာနည်းလမ်းမကျ... ယောက်ျားတိသည်လေ့.. သွီးသားနန့်ဖွဲစည်းထားရေခန္ဒာကိုယ်နန့် အသက်ဟြင်သန်နိန်ကတ်တေ... ယေကေ.. ယောက်ျားတိသည်..လေ့.. ရယ်စရတွိကေ..ရယ်ရေပိုင်.. ငိုစရာတွိရေခါ..ငိုတတ်စွာဗျာလ်.. အဓိပ်ပါယ်မဟိရေ.. ဇာခိုက်က အရူးအပေါက ပြောခမှန်းမသိရေ.. ယောက်ျားမှန်ကေ မျက်ရည်မကျ ဆိုကေပင်.. ငိုချင်ယင့်နန့်.. မျက်ရည်ခိုးသုတ်နိန်ရဖို့လား? ...လွန်ခရေသက္ကရစ်အဟောင်းတိက ကျကျန်ခရေ စကားလုံးအဆွီးအဟောင်းတိအတွက်နန့် အကျွန်ရို့၏ ခံစားရရေအတိုင်းပြုမူဖို့စွာကိုတွေဝေနိန်ရဖို့လား? လူဆိုစွာခံစားတတ်သော သတ္တ၀ါဖြစ်သည်... ယေကြောင့်နန့်.......................


Written by: DO_OR_DIE

Monday, August 17, 2009

ယောက်ဖကိုကြက်ဥတိုက်သူများ

တွင်းမှားဝင်မိရေ ကြွက်တစ်ကောင်နန့်တူရေမင်းကို..
ငါစကားတစ်ခွန်းလောက်.. ပြောချင်မိရေ..
မင်းSign Inလုပ်ခါ..Burmese People Site ထင်လို့များ..
မမြင်မကန်းနန့်.. မှားဝင်မိစွာလာလို့..
ကြွက်ထဲမှာလေ့.. ကြွက်စုပ်ဆိုစွာမှ..
မျက်စိမှုန်ရေ..ကြွက်မျိုးလို့ငါကြားဖူးရေဝေ..
မင်းအနိန်နန့်..နောက်တစ်ခါ..တွင်းမှားမ၀င်ဖို့..
ငါရို့၏မျက်စိတိကို.. အဆိပ်သင့်နိန်ရေဗမာစာသားတိနန့်...အဆိပ်မခတ်ဖို့...
မင်းအနိန်နန့်.. နောက်တစ်ခါ..အိမ်မှားမ၀င်ဖို့...
ငါရို့၏နှလုံးအိမ်ကို.. သွီးဆိုးသွီးပုတ်တိနန့်..မညစ်ပတ်စီဖို့...
မင်းအနီနန့်..ပုပ်ဟောင်နိန်ရေ..ဗမာတိ၏...ပေါ့ပျက်ပျက်စကားလုံးတိကို...
ငါရို့၏မိသားစုအသိုက်အမြုံ.. နွီးထွီးရေကမ္ဘာထဲကို..ဆောင်ယူမလာဖို့..
မင်းအနိန်နန့်...လောက်ကျနိန်ရေ..ဗမာငပိရည်တစ်ခွက်ကိုမကိုင်ဆောင်လာဖို့...
ငါရို့၏မျိုးဆက်သစ်တိ..ဟြင်သန်ရေနိန်ရာကို...ငပိနံ့နန့်မပုတ်ဟောင်စီဖို့..
မင်းအနိန်နန့်..မျိုးမစစ်တေ...လက္ခဏာတိကိုထုတ်ပျာလ်မပြဖို့..
ငါရို့၏ရွီရောင်မျိုးဆက်သျှေတိကို...ကျွန်ဇာတ်တစ်ခါထပ်မသွင်းဖို့..
မင်းအနိန်နန့်...မင်းယောက်ဖကို..နောက်တစ်ခါကြက်ဥမတိုက်ဖို့..
ငါရို့ဘိုးဘီးတိ၏...အစိုင်အလာမြင့်မားရေ..စာပီကိုမစော်ကားဖို့..
မင်းအနိန်နန့်..နောက်တစ်ခါ....ရက္ခိတရို့အလင်းအိမ်ထဲ...
မမြင်မစမ်းနန့်..တွင်းမှားဝင်မလာဖို့..
ငါတောင်းပန်ချင်ရေဝေ..ကြွက်သျှေ....။

Written by: DO_OR_DIE

ARAKAN NEW GENERATION © 2008. Design by :Yanku Templates Sponsored by: Tutorial87 Commentcute