သွီးခင်းလမ်းကသွီးစက်တိ

ဆောင်းလရာသီ ညဉ့်ကိုလွန်ခ
အာရုံမိုးထက် အလင်းရောက်လေ့
နီရောင်မရောက် တိုးမပေါက်ပဲ
အရိုးကွဲအက် .. သွီးခဲမတတ်..
မညှာမတာ လီရိုင်းကြောင့်....။

ဖရက္ခိုင်ပြည်.. အနာဂါတ်လေ့...
ဆောင်းလပြာသို.. မိုးသောက်ချိန်သို့..
နှင်းတ၀ီဝီ... မှုန်ဗျာလ်မှိုင်းလို့..
ရှိကိုမှန်းဆ ကြည့်ပါကေလေ့..
လက်တစ်ကမ်းထက် မမြင်ရ...။

မိုးလ၀ါခေါင်.. မှောင်ဗျာလ်မဲလို့...
အာကာတစ်ခွင်.. ငိုသံပီးလို့..
မိုးကြိုးသံလေ့... တဒိန်းဒိန်းနှင့်...
မိုးထဲရီထဲ... ချမ်းခိုက်တုန်သည်...
မညှာမတာ မိုးမင်းကြောင့်...။

နွံတောထဲက တိုးထွက်မရ
ကျုပ်တလူးလူး ပြည်နာဂါတ်လေ့
ကယ်သူကင်းမဲ့.. ဆယ်သူလေ့ဝီး
ရင်နှစ်သားလေ့.. ရှောင်ခွာပြီးလို့
ဆက်လို့နစ်မြဲ ကျန်ရစ်၏...။

သို့ပါသော်လေ့ ပြည်ရက္ခိုင်သား..
မောင်ဘွားရို့မှာ.. ကိုယ်ကျိုးစီးပွား..
တစ်ခုတည်းတွက်.. ဂေါင်းထဲထည့်လျှက်...
မင်းလေ့ရွီးလျှောက် ဘေးကင်းလမ်းကို...
ငါလေ့လျှောက်ဖို့ ... ပန်းခင်းလမ်းဆို...
ငတ်ပြတ်တစ်ခါ... ၀မ်းဝရုံနှင့်...
လမိုက်ညဥ့်တိ.. အံကြိတ်ဖြတ်ယင်း...
စူးတောထဲက... ဒုက္ခ၀ဲနှင့်...
ကျီဆန်တောက... သွီးခင်းလမ်းကို...
ဇာသူဝင်လို့.. နွဲပါ့မည်...။



မှတ်ချက်။ တော်လှန်ရီးလုပ်စားနီရေလူတိကို မဆိုလို.. ပြည်ချစ်စိတ်နန့် ကိုယ့်အသက်ကိုလှူပနာ ..ကိုယ်ကျိုးစွန့်နီကတ်တေ... မြင့်မြတ်ဇာနည်တိကိုဆိုလိုပါရေ...။

Written by: DO_OR_DIE